លោក ត្រាំ ដែលជាបេក្ខជនបក្សសាធារណរដ្ឋ ត្រូវបានគេបាញ់ធ្លុះស្លឹកត្រចៀកផ្នែកខាងលើ ក្នុងអំឡុងពេលជួបជុំឃោសនានៅរដ្ឋ ផេនស៊ីលវ៉ានៀ កាលពីថ្ងៃសៅរ៍ ដែលក្រុមអាជ្ញាធរចាត់ទុកថាជាការប៉ុនប៉ងធ្វើឃាត។ លោក ត្រាំ ដែលមុខរបស់គាត់ប្រឡាក់ទៅដោយឈាម បានក្តាប់កណ្តាប់ដៃរបស់គាត់ពេលលោកព្យាយាមក្រោកឈរបន្ទាប់ពីការវាយប្រហារនោះ ហើយក្រុមការងារផ្នែកយុទ្ធនាការឃោសនារបស់គាត់បាននិយាយថា គាត់មិនអីទេបន្ទាប់ពីឧបទ្ទវហេតុនេះ។ អ្នកឈរនៅជិតម្នាក់បានស្លាប់ភ្លាមៗ ចំណែកឯ២នាក់ទៀតរងរបួសធ្ងន់។ ជនដៃដល់ ដែលក្រុម FBI បញ្ជាក់ថា ឈ្មោះ Thomas Matthew Crooks អាយុ​២០ឆ្នាំ ត្រូវបានសមត្ថកិច្ចបាញ់សម្លាប់នៅនឹងកន្លែងកើតហេតុ៕